سعيد فايز المحامي ـ
في حاجة مهمة عايز أقوله للناس بخصوص رامي كامل ..
الهدف الأساس من حبس رامي انفرادي طول الفترة دي هو التأثيرات اللي بتحصل على المتهم من النوع ده من الحبس
يعني حبس انفرادي لمتهم كام اسبوع كافي أنه يخلي المتهم مصاب باكتئاب شديد. لو طال الحبس أكثر بيكون التأثير ميل للانتحار وظهور أمراض عضوية. ولما يبقى الحبس شهور بيكون الحبس له تأثير على قوة المتهم العقليه وظهور اعراض الزهايمر وأمراض الدماغ
رامي كان فاهم الهدف من اول حبسه كان فاهم أن المستهدف دماغه ونفسيته فكان التحدي بتاع رامي للسجان أن مهما طال الوقت هيفضل كويس مش هيتجنن ولا هينتحر ولا هيصاب بأمراض العقل وده بيخليني اطمنكم على نفسيه رامي وأنه لسه كويس متكسرش ومصمم يفضل واقف
لكن مش معنى كلامي أن الحبس الانفرادي كويس ولا إن رامي مش بيحصل في حقه انتهاكات بقدم بيها شكاوي للنيابة أو إدارة السجن طبعا رامي كدة قرب يكمل سنتين حبس احتياطي وبعد اللي حصل في الجلسه اللي فاتت مش هنكر القلق من خوف التدوير في قضية تاني زي كتير من المحبوسين في قضايا أمن الدولة أو إن رامي يفضل في حبس مستمر بدون محاكمة
يمكن يكون السيناريو الجاي مش واضح لكن المؤكد بالنسبة ليا اني بدافع عن شخص بريء
اللي بيحصل ده ليس من العدل بل هو الظلم … يجب علي المسءولين عن سلامة الوطن والمواطنين هو عدم كتم افواه النشطاء والعمل علي التحري هل هم فعلاً خطر علي الامن في فترة لا تزيد عن أسبوعين
رجاء النظر بجدية لرفع الظلم
اما بخصوص عدم كتابة الدين في البطاقة الشخصية فبلاد العالم المتحضر يختلفون عن العالم المتعصب الذين أولهم مصر لانها لا تطبق القانون فالقانون هو الفاصل في النزاعات… انظروا كيف يتعامل العالم المتحضر وتعلموا منهم
اما عن الخطر الحقيقي للعالم وليس مصر فقط فهو التغلغل الاخواني في معظم أنحاء العالم فيجب الاتحاد مع الدول التي بها هذه الجماعات الارهابي حتي يعم السلام العالم .