In In Arabic - بالعربي

نادر شكري ـ وطني ـ

سيدة الكرم للسيسى : “بستغيث بك تجيب حقى اللى ضاع“

فى قرار مفاجئ حفظت نيابة المنيا قضية وقعة تعرية سيدة الكرم سعاد ثابت التى تعرضت للتعرية الكاملة والسحل بقرية الكرم التابعة لمركز ابوقرقاص بمحافظة المنيا ، فى شهر مايو من العام الماضى.

وجاء القرار صادما للجميع بعدما تم حفظ القضية لعدم ثبوت الادله بعد تراجع شهود الاثبات وتشكيك دفاع المتهمين فى اقوال السيدة سعاد، وأيضا فى ظل التهديدات التى استمرت على مدار الايام الماضية للاقباط من اجل التنازل علن القضايا .

وفى اول تصريح لها قالت سعاد ثابت «احنا عايشين فى عذاب طوال الشهور الماضية ومش عارفين نعيش ونرجع البلد ونرجع بيتنا تانى واحنا عايشين من شهر 5 بره البيت وولادى عايشين بعيد عنى ، وفى الاخر يقولوا القضية باظت بعد ما اتبهدلت وقلعونى هدومى انا ومرات ابنى ، وطول الوقت وهم يهددونا ويقولوا هنموتوكم واحنا عايشين فى رعب وفى الاخر حقى ضاع» .

وتابعت سيدة الكرم فى رسالة للرئيس السيسى ”ياريس انا بستغيث بك انك تجيب حقى اللى ضاع ازاى يحفظوا قضيتى وانا اتعرت واتبهدلت امام كل الناس وطلعت اجرى فى الشارع عريانه وفى الاخر حقى ضاع ياريس انت اللى هتجيب حقى ده ميرضكش ابدا ده بلدنا هل نشمى ياريس ونسيب بلدنا واحنا عايشين فى ظلم بعد حرق بيتوتنا وتعريتنا واحنا مش عارفين نعيش فيها ».

يذكر ان النائب العام قرر فى شهر اكتوبر الماضى إحالة قضية حرق منازل اقباط الكرم لمحكمة الجنايات ولم يتم تحديد جلسة حتى الان، فيما تم فصل قضية تعرية سيدة الكرم عن قضية حرق المنازل وأيضا فصل قضية اتهام ابن سيدة الكرم اشرف عياد باقامة علاقة مع زوجة رجل اخر المتهم فى حرق المنازل إلى قضية اخرى .

________________________________

http://www.wataninet.com/أخبار/الهموم-القبطية/كارثة-حفظ-قضية-واقعة-تعرية-سيدة-الكرم/656740/

Recent Posts

Leave a Comment